Igeldoko historia eta istoriak liburuaren aurkezpena
Joan den ekainaren 20an, Jabier Iraola Gabilondok idatzitako Igeldoko historia eta istorioak liburua aurkeztu da.
Liburu honek Igeldori eta igeldoarrei buruzko mila argazki eta hamaika bizipen eta istorio biltzen ditu.
Jabier Iraola Igeldoko Jubilatuak elkarteko bazkidea da, eta, berak bezala, beste hainbat adineko bazkidek ere beren baserrietako istorioak eta irudiak partekatu dituzte, Igeldoko historia eta istoriak gaur egun errealitate izan daitezen. Igeldoko Jubilatuak elkarteak ere parte hartu du proiektuan.
Argitalpenak 560 orrialde ditu eta bi zatitan banatuta dago: lehenengoan, 119 etxe eta baserriri eta horietan bizi izan ziren familiei buruzko informazioa jasotzen da; bigarrenean, Igeldorekin lotutako beste gai batzuk garatzen dira: harriak, eskola, gerra, harrobiak, iturriak, jaiak, kirolak, ondarea, etab.